ЗБОГУМ ЗА ГОЛЕМАТА СТЕНА: Даниел Мојсов ги закачи копачките, Кавадарци му се поклони на својот фудбалски херој!
Легендите не заминуваат од клубот — тие едноставно се преселуваат во неговата вечна историја. Кога Даниел Мојсов го облече црвено-белиот дрес за последен пат како професионален фудбалер, тоа не беше само крај на една играчка кариера, туку крај на една ера на бескомпромисна борба, лојалност и фудбалско достоинство.
На теренот, Мојсов никогаш не беше само дефанзивец или носител на капитенската лента. Тој беше столб. Со зад себе над 40 репрезентативни настапи за македонската национална селекција и огромно искуство градено интернационална сцена, тој во Кавадарци донесе светска класа, авторитет и тактичка зрелост. Човекот кој го земаше притисокот врз свои плеќи кога беше најтешко, кој влегуваше во секој дуел без калкулации и кој со својот карактер ги влечеше соиграчите напред. За него, секој натпревар не беше само одработување на 90 минути, туку одбрана на честа на градот и клубот што го носи во срцето.
По повод неговото повлекување од теренот, со емотивна порака и интегрално заблагодарување се огласија и од неговиот матичен клуб:
ЕДНА ГОЛЕМА ФУДБАЛСКА ПРИКАЗНА ДОБИВА НОВО ПОГЛАВЈЕ
“Денес не велиме збогум на фудбалот… денес се простуваме од едно големо име, од еден голем борец и од човек кој остави неизбришлива трага на фудбалскиот терен.
Даниел Мојсов – легенда на ГФК Тиквеш, фудбалер со огромно срце, карактер и посветеност. Години исполнети со борба, победи, порази, радости, емоции и моменти кои засекогаш ќе останат во сеќавањето на сите оние кои го носат Тиквеш во срцето.
На секој натпревар го оставаше срцето на теренот. Ја носеше црвено-белата боја со гордост и достоинство и секогаш беше пример како се бранат боите на својот клуб.
Даниел, ти благодариме за секој дуел, секоја победа, секој гол, секоја капка пот и секој момент во кој се бореше за Тиквеш.
Фудбалот можеби денес го напушташ како играч, но твоето име засекогаш останува запишано во историјата на клубот.
Еднаш Тиквеш – Засекогаш Тиквеш!
Благодариме, Легендо!” 5
Носењето на црвено-белиот дрес по сите меѓународни и репрезентативни успеси ја покажа неговата вистинска фудбалска големина. Во современ фудбал каде лојалноста станува реткост, Мојсов покажа како се сака и како се гине за клупските бои. Секоја капка пот, секој добиен воздушен дуел и секој лидерски збор беа лекција за помладите генерации.
Со неговото повлекување, трибините губат фудбалски командант на теренот, но добиваат уште еден клупски симбол кој ќе ги инспирира идните генерации. Копачките се закачени на клин, но трагата што Даниел ја остави на градскиот стадион останува неизбришлива.
Благодариме за сè, Легендо!
