Македонската политичка сцена повторно беше сведок на една надреална епизода од серијалот „враќање во минатото“.
Кога на екран ќе се појават ликови од политичката нафталинска архива, гледачот не може а да не се запраша: дали овие луѓе зависнаа во времето или едноставно одбиваат да ја видат сопствената политичка ирелевантност?
Андреј Петров и Игор Ивановски – Шема, двајца дежурни аналитичари и политички преживеани експонати од ерата на Бранко Црвенковски, уште еднаш ги здружија силите за да ни продадат изветветен популизам и извештачени анализи.
Нивниот настап беше ништо помалку од трагикомичен спектакл на луѓе кои делуваат како да коментираат натпревар, а никогаш во животот ги немаат одврзано копачките.
Во продолжение, ви го пренесуваме во целост коментарот на НЕНАД ЈОВАНОВИЌ кој со скалперна прецизност ја демаскира оваа политичка трагикомедија:
Синоќа го гледав Андреј П., бранковиот диносаурус, а богами го чув и Шема. И, какви ми се впечатоците?
Купишта смешки чув. На моменти звучеа како фудбалски коментатори кои никогаш не шутнале топка у животот, а пак го спомнуваат и Заев; Петров малку срамежливо го фали, ама очигледно не му беше пријатно; Шема, пак, обратно, се фатил за статутот на партијата, обвинувајќи го Заев за киднапирање на партијата.
Имам впечаток дека Бранко така јако ги има упропастено овие двајца, што е напросто неверојатно; дури и слични фори користат како него од типот “млака вода”, или пак “не пие тоа вода” и слично.
Ако се свесни што им има направено низ годините, верувам дека ќе го тужат или ќе влезат во апсолутно испосништво.
Трагикомендии, ѓутуруми. Трагикомендии.
