СДСМ: Скандалот со митото го отвора прашањето — Дали Тошковски го спаси кумашинот Јанушев од полициската акција?!
Скандалот во кој возачот на генералниот секретар на Владата, Игор Јанушев, беше фатен со мито за вработување пожарникар, отвора сериозни сомнежи за заташкување на криминал во највисоките редови на ВМРО-ДПМНЕ. Од СДСМ јавно прашуваат зошто полициската акција била насилно прекината уште кај возачот и зошто не било дозволено да се следи патот на парите, со оглед на тоа што обичен возач нема овластување ниту моќ самостојно да одлучува за конкурси и вработувања. Се бара итна и проширена истрага од Обвинителството која ќе го опфати и самиот Јанушев.
Во продолжение ви го пренесуваме соопштението интегрално:
Соопштение за јавност
Скандалот со митото на возачот на генералниот секретар на Владата, Игор Јанушев, отвора многу посериозни прашања за неговата инволвираност.
Според јавно објавените информации, биле побарани 1.500 евра мито за да се „заврши“ вработување како пожарникар, а акцијата била спроведена при предавање на 500 евра.
Зошто истрагата застанала тука?
Зошто не било дозволено парите да го продолжат патот за да се утврди кој навистина стои зад ова и кој навистина го „завршил“ вработувањето?
Возач не може сам да вработи пожарникар, ниту да влијае на конкурс, избор на кандидат или на одлука за вработување.
Но Јанушев, како генерален секретар на Владата, како член на ИК на ВМРО, има.
Дали Панче Тошковски го спаси својот кумашин Јанушев?
Со прекинување на акцијата е спречен нејзиниот понатамошен развој.
Ова е причина плус Јавното обвинителство да одговори зошто акцијата е прекината пред да се утврди целиот тек на парите и сите можни учесници.
И во случајот со ИПАРД, кога беше уапсен директорот на Агенцијата за финансиска поддршка во земјоделството и руралниот развој, јавноста не доби целосен одговор каде водела трагата на парите и дали истрагата стигнала до сите можни учесници.
Сега повторно имаме случај во кој се апси човек што е непосредно фатен, но останува неодговорено најважното прашање – кој стои над него?
Откако Савески се врати од екскурзија и седна до Мицкоски, СДСМ бара да отвори истрага за случајот со возачот на Јанушев, која ќе се прошири и на Јанушев.
Граѓаните заслужуваат одговори. Одговорност мора да има.
