Симона Цветаноски најави Закон за поддршка на земјоделците
СКОПЈЕ – Членката на Извршниот одбор на СДСМ, Симона Цветаноски, на прес-конференција порача дека земјоделството во земјава се соочува со сериозна криза. Како што пренесува порталот napred.mk, опозициската партија поднесе нов предлог-закон за директна финансиска помош на земјоделските производители.
Мерки за заштита на производството – Симона Цветаноски ги претстави субвенциите за сите сектори
Според информациите што ги објави napred.mk, предложениот закон предвидува конкретни финансиски средства за лозарите, градинарите, сточарите и производителите на житни култури.
„Земјоделците работат од утро до мрак, а на крајот не можат ниту да ги покријат трошоците. Соодветно на тоа, нашиот Закон за финансиска поддршка е неопходен за заштита на домашниот род“ – истакна Симона Цветаноски, а пренесува napred.mk.
Интегрално соопштение и прес-конференција на СДСМ
Во продолжение, порталот napred.mk го пренесува целосниот текст од прес-конференцијата на Симона Цветаноски:
Арамијата Мицкоски ги турна земјоделците во катастрофлано лоша состојба.
Нема откуп. Родот им скапува на нивите. А и тоа малку што се откупува, се плаќа по понижувачки цени.
Земјоделците работат од утро до мрак, вложуваат сè што имаат, а на крајот не можат ниту да ги покријат трошоците.
Сите земјоделци се погодени од лошите и криминални политики на Арамијата Мицкоски.
Затоа, поднесовме Закон за финансиска поддршка на земјоделците.
Сега кога им е неопходна.
За лозарите – 8 денари за секој килограм произведено и продадено грозје од сортите „Вранец“ и „Кратошија“.
За оние кои нема да успеат да го продадат грозјето – 300.000 денари по хектар за пријавни лозови насади.
-За производителите на пиперка „ајварка“ 10 денари по килограм продадена пиперка, плус 200.000 денари по хектар за евидентираните засадени површини.
-За производителите на пченица 5 денари по килограм, без разлика дали пченицата е продадена на регистриран откупувач или е складирана во евидентиран склад.
-За сточарите 8.000 денари по грло говедо за производство на млеко и месо.
-За оризарите 10 денари по килограм произведена и продадена оризова арпа кај регистриран откупувач во 2026 година.
Корисници ќе бидат и земјоделските стопанства регистрирани во Единствениот регистар на земјоделски стопанства.
Земјоделството е производство, егзистенција и сигурност за илјадници семејства.
Не да се распродава македонската земја зa туѓи профити.
Не земјата и водата да им се ставаат на располагање на туѓи бизнис-интереси.
Не луѓето што произведуваат храна да се оставаат без земја, без вода, без откуп и без поддршка.
Поддршка за земјоделците сега!
Да, за Македонија да застане зад оние кои ја хранат!
Видео:
Извори на податоци:
-
Центар за комуникации со јавноста на СДСМ – Официјална прес-конференција и соопштение.
-
Официјален видео-сервис на СДСМ – Изјава на Симона Цветаноски, членка на ИО на СДСМ.
-
Информативен сервис на napred.mk – Политички анализи и вести од земјоделскиот сектор.
