Портпаролката и членка на Извршниот одбор на СДСМ, Богданка Кузеска, на прес-конференција изнесе сериозни обвинувања на сметка на премиерот Христијан Мицкоски и владејачката партија ВМРО-ДПМНЕ.
Кузеска тврди дека власта далеку од очите на јавноста договара приватни бизниси со клучните национални ресурси како што се водата, струјата и земјиштето за изградба на комерцијални дата-центри. Таа обвини дека тврдењата од ВМРО-ДПМНЕ за поврзаност на овие инвестиции со Реформската агенда на ЕУ се манипулација, со цел да се прикријат приватни профитери и тендерски апетити на сметка на граѓаните.
Текст од прес-конференцијата
Под радарот течат матни зделки на Мицкоски за дата-центри, а ВМРО-ОКГ со лаги ги прикрива
Прес конференција на СДСМ, Богданка Кузеска – портпаролка и членка на ИО на СДСМ
Секој ден излегуваат нови детали кои го потврдуваат она за што СДСМ предупредува: под радарот, далеку од очите на граѓаните, се договараат бизниси со стратешките ресурси на Македонија: водата, струјата, земјата.
Мицкоски вели дека се ќе биде транспарентно, а јавно признава дека преговара со 5-6 инвеститори.
Со кого се договара Мицкоски „под радарот“ никој не знае. Имиња не се објавуваат.
На кого Мицкоски му ги става на располагање водата, земјата и струјата на Македонија?
Колку ќе ги чини тоа граѓаните? Пари, вода, плодно земјиште?
Граѓаните не знаат ништо.
Мицкоски работи „под радарот“.
Затоа вчера го пушти пратеникот на ВМРО-ОКГ, Миле Лефков, да го правда.
За кредибилитетот на Лефков нема да трошиме ниту збор, граѓаните многу добро знаат дека го нема.
Но тврдењата дека комерцијалните дата центри имаат врска со Реформската агенда со Европската Унија е класична лага.
Што има заедничко националниот дата-центар за чување на податоци на државните институции со комерцијалните дата-центри што Мицкоски ги договара за некој странски инвеститор, со огромна потрошувачка на струја и вода?
Апсолутно ништо.
Станува збор за две сосема различни работи.
ВМРО-ОКГ толку много лаже и свесно ги манипулира граѓаните за да ги збуни и да ја прикрие вистинската намера – ресурсите на државата да ги стави во функција на приватни интереси за профити и провизии.
Ова е обид да се оправда нешто што нема никаква врска со европската агенда, туку со тендерски апетити.
Зошто постојано мешаат јавни обврски со приватни дата-центри за инвеститори?
За приватните инвестиции кои Мицкоски ги договара „под радарот“ да ги покријат со европската Реформска агенда која не ја исполнија.
Поглегнете го видеото од прес-конференцијата на Богданка Кузеска
