Заменик-претседателката на Социјалдемократскиот сојуз на Македонија (СДСМ), Фани Каранфилова-Пановска, во своето гостување во емисијата „Топ тема“ на Телевизија Телма упати жестоки критики до премиерот Христијан Мицкоски, Министерството за надворешни работи и владејачката гарнитура на ВМРО-ДПМНЕ. Таа оцени дека поради „лажниот и профитерски патриотизам“ на актуелната власт, Македонија од поранешен лидер и предводник во евроинтеграциите во регионот, денес се наоѓа на раб на пропаст и е загрозена да остане целосно изолирана како „црна дупка на Балканот“.
Каранфилова-Пановска се повика на децидните пораки од претседателката на Европската комисија, Урсула фон дер Лајен, која при нејзината посета потврди дека македонскиот јазик и идентитет се целосно заштитени и бетонирани во преговарачката рамка, усогласена од сите 27 земји членки на ЕУ. Според заменик-претседателката на СДСМ, сите обиди за ново репреговарање или отворање на веќе договорената рамка претставуваат исклучително опасен авантуризам кој само дополнително ќе ја заглави и блокира европската иднина на државата, ќе го забрза иселувањето на младите и ќе ги продулабочи економските дупки во буџетот.
Во продолжение ви го пренесуваме соопштението во неговата интегрална форма:
ИНТЕГРАЛНО СООПШТЕНИЕ ЗА ЈАВНОСТ
Каранфилова Пановска: Македонија е блокирана од лажниот профитерски патриотизам на Мицкоски
Соопштение за јавност
Македонија е на раб на пропаст и блокирана од Мицкоски и ВМРО, нагласи заменик претседателката
на СДСМ, Фани Каранфилова Пановска, во интервју во емисијата „Топ тема“ на телевизија Телма. Каранфилова Пановска посочи дека претседателката на Европската Комисија Урсула фон дер Лајен потврди дека македонскиот индентитет е беторниран и не е никако загрозен.
Оттаму како што кажа Каранфилова Пановска, отворањето на преговарачката рамка со Европската Унија и создавањето нови билатерални преговори би значело дополнително одолговлекување на европскиот процес, додавајќи дека преговарачката рамка е усогласена со сите
27 земји членки на Европската Унија и дека во неа е утврдено прашањето за македонскиот јазик и идентитет.
„Претседателката на ЕК Урсула фон дер Лајен кажа дека нашиот идентитет е бетониран, нешто што
ние го зборуваме и го повторуваме со години наназад, и дека со ништо не е загрозен во европската интеграција, ниту било како поинаку, што ќе правиме ние, што ќе прави Муцунски во Софија оваа недела? Дали има намера да репреговара нешто околу преговарачката
рамка? А со тоа и околу идентитетот? Нешто што е испреговарано и договорено со 27 држави членки, кое што при тоа го гарантира нашиот идентитет, ако е тоа клучниот проблем, согласно овој лажен патриотизам што го шири ВМРО, нема потреба ние тоа да го реотвараме,
најмалку со соседна Бугарија. Ризикот од реотварање на тоа што е веќе дефинирано во преговорачката рамка е огромен, а второ прашање, кое што е објективно, како и да цени ВМРО и Муцунски по задача на Мицкоски да ја реотвара преговарачката рамка, тоа значи реотварање
и репреговарање во сите 27 држави членки“ рече Каранфилова Пановска.
Каранфилова Пановска укажа дека повторното отворање на веќе договорената рамка би можело да
има последици врз динамиката на европскиот процес.
„И што значи тоа? Дека ние ќе останеме блокирани вечно? Мислам дека ни е јасно што треба да
направиме да не губиме времето и моментот. Претседателката на ЕК Урсула фон дер Лајен ни кажа децидно дека со преговарачката рамка се покажува дека местото на Македонија е во Европската Унија,“ рече Каранфилова Пановска.
Во дебатата, Каранфилова Пановска нагласи дека Македонија од држава предводник во европките
интеграции, сега е на раб на пропаст, поради изолационистичките политики на власта, додавајќи дека ВМРО ќе сноси сериозна одговорност за блокирањето на иднината на државата.
„Државата е на раб на пропаст. Македонија, од предводник во европските интеграции, од држава
која што беше прва во реформите, ја доведоа со нивниот квазипатриотизам, во фаза да останеме црна дупка на Балканот. Да останеме изолирани од сите, оваа реторика не води никаде.Оваа блокирана држава од лажиниот профитерски патриотизам служи само на вашата
партија.ВМРО ќе одговара и ќе сноси сериозна одговорност за блокирањето на иднината на државата, за иселување на младите, за огромната дупка во Буџетот, за огромната дупка во Фондот за ПИОМ, за огромните задолжавања“, рече Каранфилова Пановска.
