Бурна прес-конференција во СДСМ: Венко Филипче ги обвини поранешните партиски функционери за спрега со Мицкоски и Левица, со цел да го кочат опозицискиот раст.
ПОЛИТИЧКА ЕКСПЛОЗИЈА ВО СДСМ: Филипче со жесток удар врз „пучистите“ – Сојуз со сателитите на Мицкоски за да се спречи падот на рејтингот на ВМРО-ДПМНЕ!
Политички земјотрес го потресе опозицискиот табор по вонредната прес-конференција на претседателот на СДСМ, д-р Венко Филипче. Со невообичаено директен и остар тон, Филипче отворено ја обвини малата група поранешни и дел од сегашните партиски функционери дека организирано и по налог на премиерот Христијан Мицкоски дејствуваат за внатрешно разнишување и слабеење на СДСМ.
Според истражувањето и анализите кои ги пренесува napred.mk, лидерот на СДСМ ги нарече овие случувања „тотална шизофренија“, посочувајќи дека луѓе кои со години имале високи државни и партиски функции сега на иста маса седат со политички структури од Левица — партија која отворено се противстави на НАТО и спроведува проруска политика.
Зашто пуч ткмо сега? Филипче ги открива мотивите зад ненадејниот напад
Филипче јавно го постави прашањето зошто оваа група избира да делува токму во момент кога, според него, поддршката за ВМРО-ДПМНЕ опаѓа поради низа контроверзни владини политики, а СДСМ успева да се консолидира и да го организира опозицискиот фронт.
Како што известува napred.mk, главните поенти изнесени од претседателот на СДСМ вклучуваат:
-
Дефокусирање од скандалите: Внатрешниот напад служи како дефокус од прашањата за дата-центри, најавите за нови рудници, огромните задолжувања и тешката состојба со минималната плата и земјоделството.
-
Идеолошко предавство: СДСМ како партија даде заменик-генерален секретар на НАТО, додека таканаречените пучисти сега соработката ја градат со оние кои држеа транспаренти против НАТО.
-
Консолидација на опозицијата: СДСМ останува единствениот стабилен носител на опозициската енергија и нема да дозволи туѓи агенди да ја кочат борбата за граѓаните.
Соопштението за јавност со изјавата од прес-конференцијата го пренесуваме во целост:
Интегрално соопштение на СДСМ:
Претседателот на СДСМ, д-р Венко Филипче, на денешната прес-конференција обвини дека мала група поранешни партиски функционери, заедно со претставници на други партии, дејствуваат за ослабување на СДСМ по налог на Мицкоски.
„Сите сателити на Христијан Мицкоски седнати на едно место. Тотална шизофренија“, рече Филипче.
Тој посочи дека поранешни функционери на СДСМ седат на иста маса со луѓе од партија Левица која истакнувала пораки против НАТО, која е проруска партија а истовремено бараат промени во СДСМ.
„Тоа ли сакаат? Тоа ли се нивните принципи и вредносни политики? Оваа партија дала заменик генерален секретар на НАТО, а тие седат со луѓето коишто во Собрание држеа транспарент дека НАТО е убиец. Еве со кои седаа пучистите вчера. Еве со овие луѓе и со претставници на други партии бараат промена во СДСМ“, рече Филипче.
Претседателот Филипче го постави прашањето зошто оваа група настапува токму сега, во период кога рејтингот на ВМРО се намалува, а СДСМ се консолидира и бележи раст на поддршката.
„Година дена наназад работат против партијата, роварат, зборуваат со луѓе, шират невистини, клевети, лаги. Се поставува прашањето зошто сега, во овој момент така силно излегоа во јавноста?“, рече тој.
Целта е да се одземе вниманието од важните прашања што ги отвора СДСМ: плановите за дата-центри и нови рудници, задолжувањето, состојбата во земјоделството, минималната плата и пензиите.
Претседателот на СДСМ нагласи дека партијата продолжува со консолидацијата и со подготовката на политики во интерес на граѓаните.
„СДСМ вчера се покажа и се докажа дека е единствената партија којашто може да биде и е носител на опозициското движење и да ја канализира целата опозициска енергија во земјата“, истакна Филипче.
„Ќе стоиме и ќе се бориме и за граѓаните, и за државата, и за СДСМ“, порача Филипче.
Линк до видео:
